Fimmtudagur 26.01.2017 - 17:33 - Ummæli ()

Det danske kongehus

Benedikt Jóhannesson.

Benedikt Jóhannesson.

Orðið á götunni er að ef Benedikt Jóhannesson formaður Viðreisnar hefði orðið utanríkisráðherra, gætu danskir fjölmiðlar hafa spurt hann heldur óvenjulegra spurninga þessa dagana í tengslum við opinbera heimsókn forseta Íslands.

Höfðingslund Dana er nefnilega ekki sjálfgefin, segir í fyrirsögn á mbl.is, miðvikudaginn 25. janúar. Er þar vísað til orða forseta Íslands þegar hann minntist á að Danir hefðu, á sínum tíma, skilað handritunum. Guðni var gestur í ríki drottningar og þau forsetahjón; aufúsugestir eins og vera ber og flottir fulltrúar þjóðar sinnar. Á myndum með forseta er hinn glaðhlakkalegi utanríkisráðherra Guðlaugur Þór Þórðarson ásamt sinni glæsilegu konu.

Gárungarnir telja að það hefði getað verið óheppilegt ef Benedikt (stundum kallaður Bensi frændi) Jóhannesson fjármálaráðherra hefði verið með forseta í för. Honum þykir afar lítið til konungsríkisins koma, eins og lesa má úr pistli sem hann skrifaði á sínum tíma (uppfærður í nóvember 06, 2014). Þar veltir nýskipaður fjármálaráðherra vöngum yfir breytingum á stjórnarskrá danskra, þar sem hann hvetur Dani til að losa sig við konungdæmið.

Ráðherra minnist á ýmislegt annað í framhjáhlaupi, eins og „…einhverjar íslenskar konur sem vilja að stjórnarskráin verði kynvillt,…“. Þá finnst honum tillaga um kynjakvóta ekki góð regla.

En höldum aftur til Danmerkur í ríki drottningar og hleypum fjármálaráðherranum að í eigin persónu:

„Ég er ekki í Hinu konunglega fjelagi og hef sáralítinn áhuga á kóngafólki, en þó nógan til þess að vita að danski prinsinn Hinrik er eitthvað brenglaður, sömuleiðis Jóakim sonur hans og að Margrét drottning er rúmlega sextug, en lítur út fyrir að vera áttræð, ef maður nær að sjá hana gegnum sígarettureykinn. Hvers vegna vilja menn þetta fólk? (Að vísu finnst mér svolítið flott hjá Margréti að skíra son sinn upp úr Andrésblaði, en Frikki hefði átt að heita Mikki).“

Tveir í konungsfjölskyldunni brenglaðir, drottningin hulin sígarettureyk og skýrði barnið sitt eftir persónu í Andrés blaði.

Orðið á götunni er að spurningin sem Benni frændi hefði getað fengið, til dæmis frá Ekstra blaðinu er: Hvad synes du om det danske kongehus, Johannesson?

Þess má geta í lokin að drottningin í Danmörku og hennar fólk, er með fádæmum vinsælt.


Ertu með ábendingu eða innlegg í Orðið á götunni? Sendu þá tölvupóst á ordid@eyjan.is

Ertu með athyglisverða ábendingu?
Sendu okkur póst á ordid@eyjan.is - fyllsta trúnaðar gætt.
«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Eyjan Media ehf. - Kringlunni 4-12, Reykjavík - eyjan(hjá)eyjan.is