Fimmtudagur 25.01.2018 - 13:34 - Ummæli ()

Oddvitaorðrómur

Orðið á götunni er að Miðflokkurinn leiti nú logandi ljósi að verðugum oddvita og öðrum frambjóðendum í Reykjavík fyrir komandi borgarstjórnarkosningar. Flokkurinn stofnaði nýlega félag í borginni og ætlar sér stóra hluti þar, enda Miðflokksformaðurinn mikill áhugamaður um borgarmenningu og borgarskipulag. Guðfinna Jóhanna Guðmundsdóttir, sem er borgarfulltrúi fyrir Framsókn og flugvallarvini, þrátt fyrir að hafa sagt sig úr Framsókn og skráð sig í Miðflokkinn, ætlar sér ekki í framboð, heldur mun hún snúa sér alfarið að lögmennsku. Þá hefur Eyjan heimildir fyrir því að Sveinbjörg Birna Sveinbjörnsdóttir, sem er óháður borgarfulltrúi en var áður í Framsókn, hafi ekki mætt á stofnfund Miðflokksins í Reykjavík, þrátt fyrir boð um slíkt. Frosti Sigurjónsson hefur einnig verið orðaður við Miðflokkinn, en Framsóknarræturnar eru sagðar of sterkar í Frosta til að slitna. Nægur tími er enn til stefnu, en raddirnar um að Sigmundur Davíð sjálfur ætli sér í borgarstjórastólinn gerast æ háværari…

Ertu með athyglisverða ábendingu?
Sendu okkur póst á ordid@eyjan.is - fyllsta trúnaðar gætt.
«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Eyjan Media ehf. - Kringlunni 4-12, Reykjavík - eyjan(hjá)eyjan.is