Þriðjudagur 06.02.2018 - 11:55 - Ummæli ()

Sjálfkjörinn sagnfræðingur

Orðið á götunni er að lítið sem ekkert verði barist bak við tjöldin hjá innstu koppum í búri Vinstri grænna á næstunni, þegar valinn verður af ritnefnd, sagnfræðingur til að rita sögu hreyfingarinnar sem verður 20 ára á næsta ári. Fjölmargir rithöfundar og sagnfræðingar hafa lagt baráttunni lið á þessum árum og því hefðu margir haldið að margir væru hituna og heiðurinn. Óvenju hátt brottfall sagnfræðinga hefur þó verið úr flokknum á liðnum árum. Guðfríður Lilja Grétarsdóttir, fyrrum þingmaður VG, sem og Anna Björnsson, gengu til dæmis báðar úr flokknum á sínum tíma, en báðar eru þær sagnfræðingar. Varla mun VG fara óhefðbundnar leiðir og fá sagnfræðing af hægri vængnum til verksins, eins og Þór Whitehead, eða Hannes Hólmstein Gissurason, enda er Hannes upptekinn við skýrslugerð. Er því mál manna að hinn sérlegi sagnfræðingur VG, Stefán Pálsson, sé sjálfkjörinn til verksins.

Ertu með athyglisverða ábendingu?
Sendu okkur póst á ordid@eyjan.is - fyllsta trúnaðar gætt.
«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Eyjan Media ehf. - Kringlunni 4-12, Reykjavík - eyjan(hjá)eyjan.is