Sunnudagur 21.04.2013 - 21:00

„Ég biðst innilegrar afsökunar“ – Hvað á Suarez skilið í þetta sinn?

suarezbíta3

Suarez bítur Ivanovic greinilega í handlegginn

Í dag sjokkeraði Suarez knattspyrnuheiminn enn og aftur þegar hann tók þá einkennilegu ákvörðun að bíta varnarmanninn Bratislav Ivanovic í handlegginn þegar Liverpool fékk Chelsea í heimsókn í ensku úrvalsdeildinni.

Hægt er að sjá atvikið hér.

Þetta er langt frá því að vera í fyrsta sinn á þessu tímabili sem Luis Suarez er á milli tannanna á fólki. Úrúgvæinn er bæði búinn að vera frábær á þessu tímabili en einnig hefur hann verið komist í sviðsljósið fyrir miður gáfulega hegðun innan vallar.

Liverpool hefur gefið út yfirlýsingu um málið en þar tjáði Suarez sig meðal annars um atvikið:

Ég biðst innilegrar afsökunar á þessari óásættanlegu hegðun minni fyrr í dag í leiknum gegn Chelsea. Ég hef gefið út afsökunarbeiðni og reynt að ná tali af Branislav Ivanovic persónulega. Ég bið þjálfara minn einnig afsökunar, leikmenn liðsins og alla hjá Liverpool.

Það er nokkuð ljóst að Suarez á yfir höfði sér bann fyrir þetta óskiljanlega athæfi sitt. Í yfirlýsingunni kemur jafnframt fram að Liverpool muni una þeim aðgerðum sem enska knattspyrnusambandið  telur réttast að gera í framhaldinu af þessu máli.

Hvað finnst ykkur, kæru lesendur? Hvað á Suarez skilið langt bann? Ætti hann kannski að komast upp með þetta, alveg eins og Sergio Aguero komst upp með tæklingu sína á David Luiz nú á dögunum?

Taktu þátt í spjallinu hér að neðan…




Ummæli ()


Vinsamlegast athugið:
Ummæli eru á ábyrgð þeirra sem þau skrifa. Ritstjórn áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið pressan@pressan.is
Sunnudagur 21.04.2013 - 21:00

Hver verður kjörinn íþróttamaður ársins 2013? – hver er þín skoðun?

Kjörinu á íþróttamanni ársins 2013 verður lýst þann 28. desember n.k. og að venju er mikil spenna í loftinu. Samkvæmt reglugerð koma aðeins íþróttamenn sem tilheyra sérsambandi innan ÍSÍ til greina í kjörinu. Það eru Samtök íþróttafréttamanna sem standa að kjörinu. Fyrir ári síðan var í fyrsta sinn valið lið ársins og einnig þjálfari ársins og verður sami háttur hafður á í kjörinu í ár. Aron Pálmarsson var þá valinn íþróttamaður ársins, hópfimleikalið Gerplu var lið ársins og Alfreð Gíslason […]

Sunnudagur 21.04.2013 - 21:00

Hvað finnst þér um ákvörðun Arons? Hvað hefðir þú gert?

Það hefur varla farið framhjá mörgum knattspyrnuáhugamönnum að Aron Jóhannsson, framherji AZ Alkmaar, valdi bandaríska landsliðið fram yfir það íslenska. Aron er með tvöfalt ríkisfang og gat því valið á milli þjóðanna tveggja, þrátt fyrir að hafa leikið tíu u21 landsleiki undir merkjum Íslands. Aron sendi frá sér yfirlýsingu í gær þar sem hann gerði grein fyrir ákvörðun sinni, hana má í heild sinni lesa hér. Þess má geta að á næsta ári mun bandaríska liðið taka þátt í heimsmeistaramótinu […]

Sunnudagur 21.04.2013 - 21:00

Hvað finnst þér um rauðu spjöldin í Eyjum?

Það var sannkölluð bikarveisla í Vestmanneyjum í gær þegar heimamenn fengu KR í heimsókn í 8 liða úrslitum Borgunarbikarsins. Leikurinn endaði með öruggum 0-3 sigri gestanna þar sem Óskar Örn Hauksson og Kjartan Henry Finnbogason (2) sáu um markaskorun KR-inga. Magnús Þórisson, dómari leiksins, hafði í nógu að snúast. Á 34. mínútu vísaði Magnús framherja ÍBV, Aaron Robert Spear, af velli fyrir að stjaka við Gunnari Þór Gunnarssyni. Undir lok leiksins fór varamaðurinn Ragnar Pétursson sömu leið fyrir ansi harkalega […]

Sunnudagur 21.04.2013 - 21:00

Jansen afplánar einungis tvo leiki fyrir hrottalega árás – Hvað finnst þér?

Torsten Jansen, leikmaður Hamburg í þýska boltanum, var í dag dæmdur í tíu leikja bann fyrir að skalla mótherja sinn í leik á þriðjudag.  Jansen þarf jafnframt að greiða háa sekt en reglur í þýska boltanum gera það að verkum að bannið er í raun ekki nema tveir leikir. Afleiðingarnar voru skelfilegar en Nincevic, leikmaður Füchse Berlin, lá eftir hreyfingarlaus á vellinum. Hann hlaut alvarlegan heilahristing og stóran skurð fyrir neðan kinnbeinið. Hægt er að sjá atvikið í heild sinni […]

Sunnudagur 21.04.2013 - 21:00

Hver ætti að þínu mati að taka við af Alex Ferguson?

Uppfært 10:00 Alex Ferguson, stjóri Man Utd, staðfesti það við BBC í morgun að hann myndi hætta sem stjóri félagsins eftir þetta tímabil. Nánar um málið hér. Nú þegar eru tveir þjálfarar orðaðir við starf gamla mannsins en það eru þeir José Mourinho, þjálfari Real Madrid, og David Moyes, þjálfari Everton. Einnig er þjálfari Dortmund, Jurgen Klopp, orðaður við stöðuna. Hver ætti að þínu mati að taka við af Alex Ferguson? Hvað finnst þér, kæri lesandi?